19.11.08 -
DV. Gaur asteazkenez eta bihar ostegunez, biak arratsaldeko 3:00etan, bi bilera prestatu dira Basakaitz Herri Ikastetxean.
Gaurko bilera, Elkarbizitza Planari buruzkoa izango da, joan den azaroaren 5ean izan zelarik familiekin lehenengo bilera, planaren nondik-norakoak azaldu zirelarik. Ondoren, etxean betetzeko galdera sortak banatu ziren eta horiek bete ostean berriro biltzekotan geratu ziren.
Gaur arratsaldean izango da bigarren saioa eta haur txikiak dituzten gurasoak arazorik izan ez dezaten, zaintza zerbitzua izango da bilerak iraungo duen bitartean. Bilera honetan, aurrez gurasoek betetako lanaren inguruan hitz egingo da eta izan diren zalantzak argituko dira besteak beste. Plan hau burutzeko guraso guztion partaidetza eta erantzukizuna ezinbestekoak dira eta bilerara agertzea oso garrantzitsutzat jo dute gai hau aurrera daramaten arduradunek.
Biharko egitaraua
Biharko bilera berriz, arratsaldean ordu berean, gurasoentzat hitzaldi bat eskainiko da ikastetxean. Hitzaldiaren gaia, Kultur artean elkar bizi da eta hizlaria, Baikara guraso elkarteak bidalitako pedagogo bat izango da.
