19.11.08 -
DV. Pagoeta Mendizale Elkartearen 2008. urteko Batzar Nagusia gaur asteazkena iluntzeko 8.00tan ospatuko da. Bertan, aurtengo balantzea egin eta datorren urterako egitasmoa osatu eta zehaztuko dute juntakideek.
Lerro hauen bidez batzarrera agertzeko deia luzatzen zaie bazkide guztiei. Adierazi ere batzarraren amaieran luntxa eskainiko zaiela bertaratzen diren bazkideei.
Argazki erakusketa
Era berean, orain aste batzuk egin zen 50 urte 50 gailur ekimenaren baitan mendi gailurretan atera eta jasotako argizkien erakusketa Batzar Nagusia amaitzean zabalduko da Pagoetaren areto bertan.
Aurrerantzean, eta urtea amatu artean astelehen eta ostiraletan 19.30etik 20.30etara zabalik egongo da ikusi nahi duen guztientzat. Gogorarazi nahi da, baita ere, badirela gailur batzuetako argazkiak oraindik jasotzeko daudenak. «Beraz, ahalik eta azkarren Pagoeta Elkartera helarazi ditzaten eskatzen diegu guztioi», dio Joseba Jauregik.
Arte-historia museoa
Zarauzko Arte eta Historia Museoak bat egingo du Haurtzaroaren Nazioarteko Egunaren ospakizunarekin sarrera doan eskainiz. Eguna, berez, biharkoa baldin bada ere, Museoak azaroaren 22 eta 23ko asteburuan ospatuko du.
