04.12.08 -
DV. Eskolako Agenda 21 dela eta, oraingo honetan, J.A. Muñagorri Herri eskolako Ingurumen Batzordeak, ekimen berri bat antolatu du datozten egunetarako: bigarren eskuko materialen azoka hain zuzen ere.
Azoka hau osatu ahal izateko, etxeetan soberan edo erabiltzen ez ditugun gauzak, (arropa, jostailuak, liburuak, CDak...) erretoretxera eraman beharko dira aste honetan eta hurrengoan arratsaldeko 16:30etatik 18:00 etara.
Gauzak uzten dituenak berak jarri dezaioke salneurria eta salmentarekin lortzen den dirua helburu solidario baterako erabiliko da.
Ekartzen diren gauzak (liburuak, erropak, jostailuak...), egoera onean egotea eskatzen da, erosten duenak erabiltzeko moduan.
Azoka, abenduaren 15etik 21era irekiko da Erretoretxeko lehen solairuan eta arratsaldeko 16:30etatik 18:00etara astegunetan eta asteburuan berriz goizez, 11:30etatik 13:30etara irekika egongo da.
Bestalde, azoka prestatzen lagunduko duten pertsonak eskatzen dira, horretarako parte hartu nahi duenak Ingurumen Batzordearekin harremanetan jarri beharko da.
